کوچورم آتامین اولموش یوخولارینا

دیشلری دوشموش بیر گوزللیک قان قوسور گلین دونونا

اوتوز بیر قارابالیغین گمیسی باتیر

قزل اوزن چاییندا

کوچورم سون باهارین بینینه دولموش ایدلیک قوخوسونا

اوزوندن گئتمیش بیر گرایلینی قورودورام پاییزلانمیش عومرومون آراسیندا

پای باغلاییرام چرشنبه قورشاغینا

بایرام هاواسینی

کوچورم اوتوز بیر ایل سونرادان دونن آخشاما

یوسف آبادین خیابانلاریندا

اوزومی گورورم

یاراشیرام

یاراشیرام ساچلاریمدا دوشن دَنَه

بوینومدا اولان میرواریه

و

دنیز قوشونون یوخولاریندا اولان اورمانین چنلی یئلی نه